Архива по рокох

 

2012. рок

2011. рок

2010. рок

2009. рок

2008. рок

2007. рок

2006. рок

2005. рок

2004. рок

до 2004. року

РОБОТА СОЮЗУ РУСНАЦОХ И УКРАЇНЦОХ СЕРБИЇ У 2006. РОКУ

 

УСПИШНИ РОК И БОГАТИ ЗМИСТИ

Союз Руснацох и Українцох Сербиї у 2006. року з векшей часци реализовал плани хтори по програми за тот рок були заплановани. То на першим месце видаванє кнїжкох, посиланє наших студентох на студиранє до України, Семинар за младих, медзинародне сотрудїцтво и други проєкти

Видавательна дїялносц

Найбогатша вшелїяк була видавательна дїялносц, а у тим року реализовани три кнїжки: “Чуєш брате мий!” приручнїк сучасного українского литературного язика котри ма символичну назву автора др Олега Белея. То перша публикация такого змисту чий циль афирмованє українского язика медзи тутейшима Руснацами и руского язика у України. Приручнїк подзелєни на 25 лекциї, а материял презентовани у континуитету. Комуникативна вредносц приручнїка, обезпечує лєгке знаходзенє у материї, односно швидке усне и писмене ученє українского язика. “Україна у пламеню” Олександра Довженка представя вибор зоз Довженковей творчосци. Кнїжку порихтали др Янко Сабадош и студенти українистики, одїла за славистику Филолоґийного факултета Универзитета у Беоґрадзе и “Кобзар”, Тараса Шевченка. Кнїжка представя вибор зоз поезиї найвекшого українского поети, а преложена є на сербски язик. Редакцию и уводне слово написала др Людмила Попович, професорка на Филолоґийним факултету у Беоґрадзе.

Припознаня України нашим фаховцом, членом Союзу

Члени Союзу, нашо предняки у прешлим року достали занчни припознаня од держави України.
Амбасадор України у Беоґрадзе Анатолий Олїйник з нагди 15. рочнїци нєзависносци України уручел главному редакторови новинох “Данас” Михалови Рамачови Орден княза Ярослава зоз хторим го одликовал предсидатель України Виктор Ющенко. Єдно од найзначнєйших державних припознаньох Михалови Рамачови додзелєне пре значне власне доприношенє у зблїжованю українского и сербского народу и злєпшованю одношеньох медзи Сербию и Україну.
Повеля українскей влади уручена и др Янкови Сабадошови за прекладательну дїялносц.
Академикови Юлиянови Тамашови тиж додзелєни орден Державного комитету националней имиґрациї України. У обгрунтованю за тото високе припознанє стої же ше го додзелює за “вельке особне доприношенє у консолидациї шветового українства”. У присустве амбасадора України Анатолия Олїйника, тоти припознаня Юлиянови Тамашови уручел пан Онишкевич, заменїк Бориса Патона, предсидателя Националней академиї наукох України.
Тиж Юлиян Тамаш достал и награду “Златна фортуна” зоз ґриґориянску медалю, хтору додзелєла Медзинародна академия за медзинародни рейтинґ у сучасних технолоґийох и социолоґиї.

Медзинародне сотруднїцтво

Шветови форум Українцох

Союз и далєй предлужує добре медзинародне сотруднїцтво зоз институциями у жемох дзе жию Руснаци, Русини, Українци и як каждого так и того року подписал контракт зоз институцию “Україна-Швет” зоз Києва.
Од 18. по 21. авґуст того року у Києве отримани Штварти шветови форум Українцох. За нового предсидателя Шветового форуму вибрани Дмитро Павличко, потерашнї українски дипломата, писатель и поета.
На Форуму попри делеґациї Союзу участвовали и 1 900 делеґати и госци, зоз шицких континентох. Сход отворел потерашнї предсидатель Форуму Михайло Горень.
У роботи Форума участвовал и министер вонкашнїх дїлох України Борис Тарасюк, як и предсидатель України Виктор Ющенко.
У рамикох Форуму отримани и Шветови конґрес Українцох дзе примани нови члени тей орґанизациї. На Конґресу були Андрий Лепкий зоз Руми, др Мелания Виславски, Велимир Паплацко з Нового Саду и Славко Микитишин зоз Вербасу.
После того отримани и сход Европского конґресу Українцох дзе шицки члени поднєсли звити о роботи и догварели ше же ше у новембре знова зиду у Заґребе на новим зашеданю.

Ждиня

Руске културно-просвитне дружтво зоз Нового Саду наступело на 24. фестивал лемковскей култури “Лемкивска ватра”, котри ше од 21. по 23. юлий отримал у Ждинї, у Польскей, а одход реализовани з помоцу Союзу РиУ Сербиї. По оцени велїх, члени Руского културно-просвитного дружтва зоз Нового Саду зоз писню и танцом заслужено освоєли почесну грамоту за атрактивни наступ. Пре високи квалитет їх наступу вони за идуци рок уж достали поволанки же би наступели на Лемковских манифестацийох у Леґници у Польскей, у Монастириску у України блїзко при Тернополю, як и поволанки за даскельо госцованя у Польскей и у України. На своєй драги до Польскей члени ансамбла нащивели у Бардейов и Сканзен, Горлицу, Краков и Аушвиц.
Фестивал “Лемковска ватра”, шето култури наших людзох у Польскей отворел войвода Малопольски Витолд Кохан. У програми Фестивала участвовали 43 ансамбли и поєдинци, зоз вецей жемох, а того року на Фестивалє було и приємне нєсподзиванє – Лемки зоз Канади и зоз ЗАД.
Под час отримованя Фестивала отримани и сход асоцияциї Лемкох Европи хторому предсидовал Иван \ерба зоз Києва, а на сходу були присутни и представителє українских орґанизацийох зоз Польскей, Словацкей, Сербиї и України. Вони бешедовали о своїх проблемох и заключели же би ше нарок у маю у Ужгородзе отримало конференцию на тему “Ришованє актуалних питаньох у жемох дзе жию Українци, Русини-Українци и Лемки”.
Делеґация Союзу РиУ Сербиї ше стретла и зоз Борисом Тарасюком министер вонкашнїх дїлох України хтори нащивел Сербию того року, а була присутна и на шицких других значних манифестацийох як цо “Свиднїцки святочносци”, у Своднїку , Словацка, “Миклошевске лєто”, у Миклошевцох , Горватска и “Петровски дзвон”, у Петровцох, Горватска и вшадзи витворени значни контанти и сотруднїцтва..
Делеґация Союзу була у нащиви у Пряшову на поволанку академика Миколи Мушинки, з нагоди його 70-рочнїци народзеня. Делеґация з тей нагоди мала и стретнуце з руководством Союзу Русинох-Українцох Словацкей Републики и редакторами новинох “Нове житя”, часопису “Дукля” и “Веселка”.
У орґанизациї Союзу церковни православни и греко-католїцки хор “Пасторала” зоз Жаблю будзе участвовац на Фестивалу у Снїни, Словацка. Хор на драги провадзи делеґация Союзу и представнїки Општини Жабель.

Фодбалски турнир у Ужгородзе

Од 1. по 4. юлий гуманитарна орґанизация “Фонд Едмунда Еґана” зоз Ужгороду орґанизовала турнир на котрим участвовала пионирска репрезентация Руснацох “Руси” зоз Сербиї (Войводини), и екипи зоз Словацкей и України. Бавяче були возросту од 10 по 15 роки, зоз Руского Керестура, Коцура, Дюрдьова и Нового Саду. Одход на турнир оможлївени з помоцу Союзу Руснацох и Українцох Сербиї. Под час отримованя фодбалского турнира його учаснїки мали и медзинародну лєтню школу под назву “Упознай Україну”.
Понеже млади фодбалере пришли зоз освоєнима стрибернима медалями и погаром и же су преглашени за найлєпшу екипу без огляду же освоєли друге место, предсидатель Вивершней ради АП Войводини Боян Пайтич их приял зоз делеґацию Союзу Руснацох и Українцох Сербиї.
– Вивершна рада вше потрима таки проєкти, а поготов же ше роби о дзецох, о спорту, а тиж нам мило же през таки проєкти ми витворюєме позитивни контакти зоз матичним жемами националних меншинох хтори жию на териториї Войводини – гварел Боян Пайтич.

Студиранє у України

Як и каждого року, Союз посила заинтересованих студентох на студиранє до України. Того року за студиранє конкуровали три студенти: Альоша Гайдук, на факултет за хореоґрафа, Соня Пплацко на Факултет политичних наукох и Мирко Преґун на Музични конзерваториюм.

Семинар за младих

Семинар за младих 06 у орґанизациї Союзу Руснацох и Українцох Сербиї на хтори ше приявел 61 учашнїк отримани у Летнєй владическей резиденциї у Шидзе, од 7. по 13. авґуст 2006. року. Каждого року ше Семинар селї до другого места дзе жию Руснаци и Українци, а у Шидзе циль бул помогнуц обновиц Лєтню владическу резиденцию, и же би учашнїки упознали Срим. Семинар ма традицию зачувац руски и українски идентитет и позберац младих зоз шицким наших местох же би ше упознали и прилапели розличносци и сличносци.
Семинар святочно отворел началнїк Општинскей управи Ромко Папуґа и Єлена Кришпиґер, совитнїца у Секретарияту за образованє и културу АП Войводини. Спред домашнїх привитни слова гварели о. Михайло Малацко и Юлиян Ковач, член Националного совиту Руснацох и подпредсидатель КПД “Дюра Киш” и Миланка Воркапич, предсидателька СО Шид. Спред Союзу учашнїкох поздравели Боґдан Виславски о.д. предсидателя Союзу Руснацох и Українцох Сербиї и Владимир Кочиш, секретар Союзу. Семинар за младих завар предсидатель Општини Шид Мита Аврамов, понеже нє пришла наявена делеґация Амбасади України зоз Беоґраду. Семинар нащивел и предсидатель Националного совиту Руснацох Славко Орос.
ПРЕПОДАВАНЯ: 1. История и фолклористику по руски и українски – мр Дюра Гарди и др Янко Рамач.
2. Паноцец Михайло Малацко – виронаука по руски и українски
3. проф. Анамария Рамач и часточно Зденко Лазор – зоз руского и українского язика
4. Еколоґия – Соня Мудри.
5. Мирослава Цирби “Асимилация Руснацох и Українцох”.
6. Велимира Паплацка и др Янка Сабадоша – “Медийна слика меншинох у Войводини”.
7. Проф. Дарко Бобаль, “Досельованю Руснацох до Сриму”
РОБОТНЇ: 1. Уметнїк Силвестер Макаї – подобова
2. Михаел Ґовля – музична
3. Венямин Бульчик, Ґенка Иличич-Данчо, Саня Тиркайло и Владимир Дїтко – новинарство
4. Владимир Кочиш – драмска
Учашнїки ше мали нагоду упознац зоз роботу режисера Цветина Аничича хтори приказал свойо два филми: “Шетай” о предаваню людзох цо було поучне и достали важни информациї як ше чувац. Други филм бул документарни о Владическей резиденциї, та учашнїки дознали вецей о историяту того обєкта.
Интересантну екскурзию, на хторей учашнїки нащивели ґалерию и хижу Сави Шумановича, обишли Липовачу, Сотске озеро, Спомин – ознаку Сримски фронт, манастир Привину главу и Титову вилу у Моровичу помогла СО Шид.
Александра Дудаш


УСПИШНИ РОК И БОГАТИ ЗМИСТИ

Союз Руснацох и Українцох сербиї у 2006. року з векшей часци реализовал плани хтори по програми за тот рок були заплановани. То на першим месце видаванє кнїжкох, посиланє наших студентох на студиранє до України, Семинар за младих, медзинародне со трудїцтво и други проєкти.

Видавательна дїялносц
Найбогатша вшелїяк була видавательна дїялносц, а у тим року реализовани три кнїжки:
Чуєш брате мий! приручнїк сучасного українского литературного язика котри ма символичну назву автора др Олега Белея. То перша публикация такого змисту чий циль афирмованє українского язика медзи тутейшима Руснацами и руского язика у України. Приручнїк подзелєни на 25 лекциї, а материял презентовани у континуитету. Комуникативна вредносц приручнїка, обезпечує лєгке знаходзенє у материї, односно швидке усне и писмене ученє українского язика.

Україна у пламеню Олександра Довженка представя вибор зоз Довженковей творчосци. Кнїжку порихтали др Янко Сабадош и студенти українистики, одїла за славистику Филолоґийного факултета Универзитета у Беоґрадзе и Кобзар,
Тараса Шевченка. Кнїжка представя вибор зоз поезиї найвекшохо українского поети, а преложена є на сербски язик. Редакцию и уводне слово написала др Людмила Попович, професорка на Филолоґийним факултету у Беоґрадзе.

Припознаня України нашим фаховцом, членом Союзу

Члени Союзу, нашо предняки у прешлим року достали значни припознаня од держави України.
Амбасадор України у Беоґрадзе Анатолий Олїйник з нагoди 15. рочнїци нєзависносци України уручел главному редакторови новинох “Данас” Михалови Рамачови Орден княза Ярослава зоз хторим го одликовал предсидатель України Виктор Ющенко. Єдно од найзначнєйших державних припознаньох Михалови Рамачови додзелєне пре значне власне доприношенє у зблїжованю українского и сербского народу и злєпшованю одношеньох медзи Сербию и Україну.
Повеля українскей влади уручена и др Янкови Сабадошови за прекладательну дїялносц.
Академикови Юлиянови Тамашови тиж додзелєни орден Державного комитету националней имиґрациї України. У обгрунтованю за тото високе припознанє стої же ше го додзелює за “вельке особне доприношенє у консолидациї шветового українства”. У присустве амбасадора України Анатолия Олїйника, тоти припознаня Юлиянови Тамашови уру¬чел пан Онишкевич, заменїк Бориса Патона, предсидателя Националней академиї наукох України.
Тиж Юлиян Тамаш достал и награду “Златна фортуна” зоз ґриґориянску медалю, хтору додзелєла Медзинародна академия за медзинародни рейтинґ у сучасних технолоґийох и социолоґиї.

 


Get free Dreamweaver templates and extensions at JustDreamweaver.com